TRAFIGURA-Г ТАНИЛЦУУЛЖ БАЙНА

Trafigura компани нь бараа, түүхий эдийн худалдааны салбарт тэргүүлэгч нь билээ. Бид зах
зээлийг судалж, ложистик болон глобал нөөц бололцоог ашиглан биет бараа бүтээгдэхүүнийг хаана, хэзээ хэрэгтэй байна тэнд зөөн тээвэрлэдэг.

Хариуцлагатай худалдааны хэлбэр нь эдийн засгийн өсөлтийг хурдасгаж, хүчирхэг нийгмийг байгуулна.

Trafigura нь дэвшилтэт худалдааг нэн тэргүүний зорилтоо болгодог. Бид үйлчлүүлэгчдээ дэлхийн зах зээлд хорь гаруй жил холбож байна. Бид алсын хараатай. Бид өөрсдийн хүч, нөөц бололцоогоо худалдааг илүү сайжруулахад ашигладаг. Бид улс үндэстэн, корпораци, нийгмийн олон гишүүдтэй түншлэн ажилладаг. Бид тэдний итгэлийг олж, урт удаан хугацааны хамтын нөхөрлөлийг үүсгэж чадсан.

БОДИТ ХУДАЛДАА

Trafigura компани биет бараа бүтээгдэхүүнийг найдвартай, үр дүнтэй, хариуцлагатайгаар худалдаалж үнэлгээгээ нэмэгдүүлж чадсан. Бид алс холын газраас бүтээгдэхүүнүүдээ авдаг. Бид гэрээний хугацаа нөхцлийн дагуу длэхийн ихэнх газарт хүрч тээвэрлэлт хийдэг. Бид үйлдвэрлэгч нарыг дэмжиж, терминал, тээврийн газруудад хөрөнгө оруулалт хийж, хамгийн шаардлага өндөртэй үйлчлүүлэгчидтэй нийцүүлэн ажилладаг.

ДЭД БҮТЦИЙН ХӨРӨНГӨ ОРУУЛАЛТ

Trafigura дэлхий даяарх стратегийн байршил бүхий дэд бүтцэд хөрөнгө оруулалт хийдэг. Бид манай бодит худалдааны үйл ажиллагааг өргөжүүлэх боомт, терминал, ложистикт хөрөнгө оруулалт хийдэг. Бид агуулах болон хадгалах байгууламжуудыг барьж байгуулан, ачааны болон усан онгоцыг ажиллуулж, хөлөг онгоц худалдан авч, уурхайн олборлолтыг хөгжүүлэх зэргээр худалдааг аль болох чөлөөтэй явуулах бүхий д арга хэмжээг авдаг.

ХУДАЛДААНЫ ХАРИУЦЛАГА

Trafigura компанийн үйл ажиллагаа нь техникийн хувьд цогц, газар зүйн хувьд тархацтай. Бид дэлхий дахины хэмжээнд шатамхай, харьцахад нэн төвөгтэй материалуудыг авч, хадгалж, нийлүүлж мөн түгээдэг. Бид өөрсдийн гэсэн хадгалах байгууламж, усан онгоц, агуулах болон уурхайтай. Бид аливаа төлөвлөгөөг боловсруулж, шийдвэр гаргахдаа эрүүл мэнд, аюулгүй байдал, хүрээлэн буй орчин болон нийгмийн асуудлуудыг нэн тэргүүнд тавьж ажилладаг.

Бид бүх шатны харилцагчдаа зах зээлд ойртуулахын тулд зорилго, хүчин зүтгэл, глобал нөөц бололцоогоо бүрэн дүүрэн ашигладаг.

ТӨГС ТӨГӨЛДӨР ЭЦСИЙН ҮЙЛЧИЛГЭЭ

Бид ханган нийлүүлэлтийн үе шат нэг бүрт нэмүү өртөг бий болгож байдаг. Бид үйлдвэрлэгч нарт техникийн зөвлөгөө өгч, санхүүгийн дэмжлэг үзүүлдэг. Бид дэд бүтэц байгуулж, тээвэрлэлтийг хялбарчлах, дамжуулах ложистикийг хөгжүүлдэг. Бид хамгийн сүүлийн үеийн терминалуудаараа дамжуулан томоохон хэмжээний үйл ажиллагаа явуулдаг. Бид бараа бүтээгдэхүүнийг цаг хугацаанд нь, нарийн шаардлагын дагуу хаана хэрэгтэй байна тэнд бараа түүхий эдийг түгээдэг.

ҮР ДҮНТЭЙ ЭРСДЭЛИЙН УДИРДЛАГА

Бид хамгийн сүүлийн үеийн тоног төхөөрөмж, тогтвортой систем, чадварлаг боловсон хүчинг ашиглан үйл ажиллагааны эрсдэлийг зохицуулдаг. Бидний санхүүгийн эрсдэлийн удирдлагыг маш хянамгай хийдэг маань эрсдэлтэй зах зээлд хөл тавих боломжийг нээж өгдөг. Бид бараа түүхий эдийн үнийн эрсдлийг байнга тооцож компанийн нийт эрсдлийг бууруулдаг.

ӨРСӨЛДӨХ ЧАДВАРЫГ САЙЖРУУЛАХ

Санаачлагчдын хувьд бид зах зээлийн үр ашгийг нэмэгдүүлдэг. Бид шинэ бизнесийн түншүүдээрээ дамжуулан мөн нийлүүлэгч болон эцсийн хэрэглэгчдийн хоорондын холбоог гүнзгийрүүлсэнээр хөрвөх чадвараа нэмэгдүүлдэг. Бид худалдааны чиглэл болон
бүтээгдэхүүний ангилалыг бий болгодог. Бидний дэд бүтцэд хийж буй хөрөнгө оруулалтууд нь эдийн засгийн өсөлтөнд түлхэц болдог.

САНХҮҮГИЙН ХҮЧИРХЭГ НӨӨЦ БОЛОЛЦОО

Trafigura бол хамгийн хүнд хэцүү үед ч найдвартай худалдааны түнш мөн. Бид олон зах зээл дээр ажиллах хүрээ, далайцтай. Санхүүгийн хүчирхэг тайлан нь дэд бүтцийн хөрөнгө оруулалт, худалдааны гэрээ мөн далайцтай үйл ажиллагаануудыг дэмждэг. Манай олон төрлийн санхүүгийн загвар нь уян хатан байдлыг нэмж, бидэнд боломжийг гарсан даруйд нь хөрөнгөжүүлэх боломжийг олгодог.